إجمالي مرات مشاهدة الصفحة

السبت، 6 نوفمبر 2010

صــــــــرصـــــــــــور...



حقيقة يقال انها علمية(والله اعلم ) قراتها ذات مرة في احد المنتديات تقول ان الصرصور( ما غيره) اذا لمس بني آدم فورا يذهب ويغتسل..بس الله وكيلكم ما بعرف شو نوع الشامبو اللي بيستخدمه.. جليمو والا صانسيلك والا دوف..والله ما بعرف..لانه المصانع كثرانة هالايام..



بس انا بتساءل لو واحد من العائلة الصرصورية اصطدم بيافطة مرشح ..كلها شعارات مزيفة..يستحيل تحقيقها..بالكم هالصرصور المسكين حيروح يغتسل ويعقم حاله؟؟ لا اظن


باعتقادي انه رح يرمي حاله من اعلى عامود كهرباء مربوطه فيه اليافطة وينتحر






خارج النص

على فكره انا اكره الصراصير واقرف منهم ..وبخاف منهم كمان..بس مضطر اكتب عنهم...


                                                                                                                                                                



                                                                                                                                                                                

                                                                                                                                                                                                                                             






   

هناك 7 تعليقات:

  1. مساء الخير

    بالله بدي اسألك شعارات يافطات المرشحين
    شو بتفرق عن شعارات كل الحكومات والوزراء

    عمان مليانه صراصير وفئران
    مطلوب من امانة عمان الكبرى ان تدفع الصراصير باتجاه يافطات المرشحين والصراصير باتجاه تصريحات الوزراء

    وهيك بنخلص يا منهم ......يا منهم
    وكُلك نظر

    دمتِ بخير

    ردحذف
  2. مقاربة حلوة ذكية :)
    أنا سمعت بذلك و لكن بصراحة أشك في صحتها!

    بس من منظور "صرصوراتي" يمكن بيعتبرونا مقرفين... معهم حق شكلو! أفعالنا أبشع من شكلهم في عيوننا.

    *لقينا فائدة واحدة على الأقل لليافطات! :]]]]]]]]

    ردحذف
  3. عجبتني اخي هيثم..من منظور صرصوراتي

    حتى لو كانت مشكوك فيها..بس والله يا اخي شيء بيخلي مو بس الصراصير بتقرف ...لأ وكمان الفيران والجراذين

    ردحذف
  4. اخي يوسف..والله ما بتفرق..الجماعة دارسين على شيخ واحد..
    والله يا اخي لا الصراصير ولا الفيران ولا الجراذين اللي معبية البلد تقدر لهم...الله بيعين

    شكرا لحضورك اخي

    ردحذف
  5. اعتقد انو احنا بالفعل صراصير بالاخر و خصوصا بعد الانتخابات ،

    ردحذف
  6. اخي w7L
    هذا ان رضينا بذلك...
    وان ام نرضَ فالامر جدا مختلف

    تحياتي

    ردحذف
  7. حبة عين السلط ومين ما بيقرف من الصرصور
    مع انو يملك شوارب كبار كبار وهاد لازم يكون دليل الوجاهه بس هو مظلوم مع انو ما بكزب ولا بيتجمل ولا بيعمل شي مو متوقع منه
    يمكن زي ما قلتي ازا اصطم بلوحه بيموت على طول لأنو ما رح يستحمل هالشعارات
    الحمدلله بكره تعزيل الشوارع وتنظيفها من كل شي بيخص البرلمان
    وكله رح ينحصر داخل هالقبه
    وياما تحت القبه

    ردحذف